كيف
حالكم ياحلوات
اليوم
التدوينة حتكون عن شوية منتجات من نارس مرا مرا مشهوره من زمااان بس انا مابدأت
استخدمها الا مؤخرا قبل كم شهر و دحين اقدر اعطيكم رايي الكامل فيها (مدري اشبي علقت على نارس).
البوست
حيكون عباره عن ريفويهات مصغرة و سريعه.
المنتجات
هي الفاونديشن
Sheer
Glow Foundation
الكونسيلر
Radiant
Creamy Concealer
و روج
انيتا
ِِAudacious lipstick anita
نبدأ
بالفاونديشن شير قلو اللي اشهر من نار على علم. جدا مشهور و انتشر الفتره الماضية
ومازال منتشر.
درجتي
santa fe
هنا صورة
من النت سواتشات لكل درجات الفاونديشن
التعليب
حقه قزاز و للاسف عيبه انه يجي من غير ضغاط ،بدون ضغاط تستهلكي كمية كبيرة
من المنتج من غير فايدة ،الضغاط ينباع لحاله بس الله يهديهم ليش الحوسة كان ركبوا
عليه الضغاط و زودوا على سعر المنتج 6 دولار ههههههه ولو انه الفاونديشن مو رخيص
اساسا.
المنتج
اسمه شير قلو بس لو تستخدموه محا تحسوا انه شير ولا قلو بالعكس ساتين على مطفي و
تغطيته ميديم الى فل كفر.
متوفر بدرجات
و اندر تونز مختلفة اكيد الكل حيلاقي طلبه، يعني صراحة دا الفاونديشن من اكتر
الفاونديشنز عندي اللي درجته بيرفكت.
رأيي فيه
اني حبييييته ولااقدر استغني عنه ، من الفاونديشنات المطفية القليله اللي ماتبين
وجههي باهت و مقشر ، اذا ابغا تغطية متوسطة احط كمية بسيطة و اوزع اما اذا ابغاها
فل فأكتر.
وكم مرا
خلطته مع استي لودر دبل وير في مكياج افراح و مراااا كانت النتيجة رائعة.
من
ميزاته كمان انه ماله ريحة وانه ثباته عالي اكتر من 8 ساعات معايا (مع العلم انه
بشرتي جافة، لانه في الجافة الفاونديشن يثبت اكتر).
نجي
للكونسيلر
درجتي
Custard
هنا صورة
من النت سواتشات لكل درجات الكونسيلر
برضو من
المنتجات المشهورة جدا ، علبته بلاستيك طويل و راسه زي القلوس اسفنجة صغيرة. يعني
التعليب حلو و عملي.
كتغطية
يعتبر خفيف يعني مستحيل يغطي العيوب الواضحة، مرا جميل كاضاءه وتغطية خفيفة
لتحت العين ، يعني يعطيكي مظهر اللي كانك نمتي 7 ساعات ههههه.
سهل
في الدمج و فيه نسبة ترطيب حلوة ، ومايتكتل مع الوقت بس طبعا لازم تثبتيه ببودرة
عشان تضمني ثباته.
و كثبات
زي الفاونديشن ثباته جميل تقريبا 8 ساعات.
مرا انصح
فيه ككونسيلر يومي خفيف و حلو.
اخيرا
الروج
انا من
عشاق اللاين دا حق نارس الاوديشز ليب ستيكز ، عندي لون اودري و اضفت الان للمجموعه
انيتا.
ثبات
طويل ، تركيبة رائعة ، سهوله في الاستخدام ، الارواج دي بالنسبه ليا مثالية،
عيبها الوحيد انها تعتبر غالية حبتين.
اللون دا
اذا كنتي تدوري البيرفكت نود انصحك تاخديه بدون اي تفكير.
هنا
سواتش له من النت
نارس للاسف مو متوفر في السعودية فلازم اون لاين او توصي احد من برا.
اتمنى
تكون الميني ريفيوز عجبتكم واستفدتوا منها ، نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)