كيف
حالكم ياحلوات
واحشتوووني
اكتر شي ، اسفه انشغلت عنكم الفترة اللي فاتت مرت عليا شوية ظروف وعدت الحمد لله.
اليوم ان
شاء الله التدوينة حتكون عن باليت الحواجب الكيوت من سوب اند قلوري .
Soap
& Glory ARCHERY D-I-Y BROW BAR
الباكيجينغ
كعادة سوب اند قلوري ماعليه اي كلام مرا جميل و كيوت.
زي
ماانتو ملاحظين انه الباليت في اربعة اقسام ... (باودر بني غامق ، باودر بني
فاتح، واكس، اضاءه كريمية).
وفيها
حبتين ادوات واحدة فرشه للحواجب و واحدة طرفين طرف فرشة و طرف سبولي اللي هيا فرشة
تمشيط الحواجب.
رايي فيها
:
الجهه
اليمين حق الباودرز مرا حلوة ، الباودر ناعم و واضح و يعتبر ثابت.
بالنسبة
لالوانها مرا جميلة ممكن تستعملي كل لون لحاله حسب احتياجك او اذا حسيتي الغامق
مرا غامق والفاتح مرا فاتح تقدري تدمجيهم سوا.
انا
استخدمهم مع فرشاة تارت حق الحواجب لانه الفرشاه اللي معاه ماعجبتني.
الفرشتين
مالها داعي صراحه بس عجبني انهم حطوا سبولي اللي هي فرشة تمشيط الحواجب لانه مو
دايما نشوفها في باليت صغيرة.
الجهة
التانية و هي الواكس و الاضاءه الكريمية ماعجبتني كتير ، الواكس مرا تحسي يتزحلق و
ماحبيت كده ملممسه و طريقة وضعه لانه بتلغوص بالالوان ، يعني لو سووا لونه اغمق
حبتين و خلوه شوية اثقل مرا يطلع احلى. ماعجبني ولابستخدمه.
الاضاءه
او الهايلاتر ، هي اضاءه لؤلؤية مرا لماعه ، انا ماعندي مشكلة مع الاضاءه اللماعه
بس مو في كل وقت مثلا مرا مااحب احط منه في الصباح فسار دا المنتج حق اوقات
ومناسبات معينه ، لكن لو حطوا اضاءه مطفية كان ممكن تستخدم اكتر و في اي وقت و اذا
نبغاها تلمع نحط فوقها شدو لماع وخلصنا. عجبتني بس مو دايما اقدر استخدمها.
دا كان
رايي في الباليت يعني تقدروا تقولوا نص نص ، عجبني بس ماحبيته بصراحة القلم حقهم
مرا مرا احلى.
تلاقوه
في موقع صيدلية بوتس وممكن تطلبوه اون لاين
اتمنى
يكون الريفيو عجبكم و استفدتوا منه ، نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)