كيف
حالكم ياحلوات
اليوم
التدوينة حتكون عن مفضلاتي لشهر مايو ،، المفضلات المرة دي متنوعة بين شعر وجسم وماكياج
يعني من كل بستان زهرة ، نبدأ بسم الله
soap and
glory butter yourself moisture lotion
اول شي
كريم الجسم من سوب اند قلوري ، طبعا شهادتي مجروحة في منتجات سوب اند قلوري
احبهههم ، اهم ميزة في اللوشن دا انه ضغاط ، هويمكن شي مو مهم للبعض بس مرا اثر
معايا ، بعد الشاور و بعد مااغسل يدي بالصابون على طول كم ضغطة و خلصنا .
وزي
ماانتم شايفين حجمه جدا كبير فحيقعد معاكي فترة طويلة ، طبعا مايحتاج اتكلم عن
ريحته لانه ببساطة يجنن ، مهي ريحة سوب اند قلوري المشهورة مايلة اكتر لريحة
الفاكهه.
bath and
body works lemon pomegranate cream spray
بخاخ
الجسم من باث اند بودي وركس ، اخدته ايام التخفيض و عشان الايام دي حر طحت فيه ،
ريحته زي ماانتو شايفين ليمون مع رمان يعني مرا شي منعش .
انا ابخه
على الملابس مو للجسم مباشرة.
organix
coconut milk mask
ماسك
للشعر من اوقانيكس صيدلية وايتس ، قالت لي عليه صحبتي انه مرا ينعم الشعر وكده ،
انا معاناتي ماكانت اني ابغا شعر ناعم ، مشكلتي انو شعري ناعم بس فيه شعرات صغيره
تتطاير و تسوي نفشه خفيفه ، استخدمت الماسك ومرا ريحني كتير .
كنت
خايفه يعطيني منظر الشعر الدهني لاني مو ناقصة هههه بس الحمد لله اعطاني منظر لامع
و نظيف.
opi
grand canyon sunset
مناكير
من او بي أي ، اخدته مع اخر مشتريات من سيفورا ، نزلت مشترياتي في حسابي في
انستقرام قبل فترة .
اللون
مرا مرا جميل و ماشاء الله يبين من طبقة واحدة مايحتاج تعيدي عليه تاني ، حبيته .
دا سواتش
من النت
منتجين
للشفايف دا الشهر، اللي على اليمين هو مرطب الشفايف من بنفت
benefit benebalm
احطه في
الصباح و في الليل ، ولاحظت انه القشور مرا خفت رغم اني باستخدم كتير الارواج
المطفية و هي معروفة كيف بتجفف الشفايف . و حتى اللون اللي يعطيه خفيف و مورد كانه
طبيعي.
مرا حبيت
التاثير حقها رغم انه احس سعرها مبالغ فيه شويه بالنسبة لمرطب .
سواتش من النت
ومن اليسار الروج المطفي من ان واي اكس
nyx matte lip cream prague
الارواج
المطفيه من ان واي اكس مرا تركيبتها حلوة وناعمة وماتحسي بشي على شفايفك ، عيبها
الوحيد انه ثباتها مو مرا قوي فلازم تعيدي عليها كل تقريبا 3-4 ساعات.
اللون هو
لوني المفضل اللي يجي لونه توتي (يجمع بين الموف و الوردي و نتفه بني) << المعادلة
الصعبة
سواتش من النت
tarte bb
tinted moisturizer
بي بي
كريم من تارت ما استخدمت غيره للدوام الشهر الماضي ، اتكلمت عنه في تدوينة مفصله
هنــــــا
thebalm
hot mama
بلاشر
هوت ماما المشهور من ذابالم ، كتير اتكلموا عنه انه بديل البلاشر الشهير من نارس
(اورقازم) ، بصراحة حبيت دا اكتر من ناحيه اللون.
من ناحية
الثبات ، النعومة و سهولة الدمج كلهم حلوين نارس و ذابالم.
سواتش من
النت
وهنا
مقارنة مع نارس (بالم من اليمين ونارس من اليسار)
makeup
forever aqua lip liner 2c
اللون دا
هو البيرفكت بالنسبة ليا في عالم اقلام الشفايف ، مرا حلو لحاله ومع الوان تانية.
تركيبة اقلام فو ايفر كريمية و سهله ماتقطع ، كمان ثباتها عالي و ضد الموية.
سواتش من
النت
http://karlasugar.net/2011/02/make-up-for-ever-aqua-lip-pencils/
هو تالت لون من اليسار
اما الصورة دي بكتني دحين ابغا كل الوانهم ...
zoeva
smoky palette
اخر شي
من المفضلات هي الباليت السموكي من زويفا برضو اتكلمت عنها بالتفصيل في تدوينة
سابقة هنــــــا.
اتمنى تكون التدوينة عجبنتكم و استفدتوا منها
نشوفكم
على خير في التدوينة القادمة
حبيت مفضلاتك
ReplyDeleteبلشر ذا بالم جميييل لكن مشكلته مايتحمل السفر ومجرد خبطة صغيرة
ينعدم
ويعطيك العافيه استمتعت في مفضلاتك