كيفكم
ياحلوات
اليوم
حتكلم لكم عن ماسك مرا انشهر في الفتره الاخيره من سيفورا و بالاخص من ماركة بيتر
ثوماس روث.
هو جل
ماسك بريحه الورد يبرد، يريح البشره، يأخر علامات التقدم في السن وأهم شي فيهم
واللي خلاني اخده انه يرطب. اصلا منطقيا لو بشرتك مترطبه كويس معناها علامات
التقدم في السن حتتأخر. عشان كده صاحبات البشره الجافه متعرضين اكتر لتجاعيد (فيس
حزين).
يستخدم بطريقتين ، ممكن مرتين لتلاته مرات في الاسبوع تحطي طبقة سميكه و تخليها
لمده 10-15 دقيقه و بعدها يتغسل بموية باردة.
والطريقة
التانيه انك تحطي طبقة خفيفة و تنامي فيها و تغسليه الصباح .
اذا
بشرتك مرا محتاجه و تبغي اقصى درجة للعلاج حطيه في التلاجه و استخدميه يوميا بأي
طريقة تناسبك.
قوامه جل
كانه جل تثبيت الشعر ، ريحته جدا جميلة ريحه روز قوي.
بالنسبة
لتجربتي ، اول شي زي ماانتوا عارفين انا بشرتي مختلطة تميل للجافة اكتر ، جربت
الطريقتين و حبيت الاولى انه احطه واغسل لانه لمن حطيته ونمت حسيت وجههي مرا يلصق
ماعجبني الاحساس.
النتيجه
بشره مترطبة ونديه كلها نضارة، من جد حسيت بالفرق في بشرتي خصوصا لمن استمر عليه.
طيب هل
يستاهل سعره ؟
اذا كانت
بشرتك جافة فيستاهل خصوصا انه كميته مهوله جدا كبير . لكن لو بشرتك عاديه او دهنيه
مالو داعي المرطب اليومي حيغنيكي عنه.
وبس
والله دي تجربتي معاه و على فكره من الأشياء اللي شدتني فيه انه بالروز ، اعشق
الروز وريحة الروز ، و ريحة الماسك تجنننننن.
دي كانت
تدوينة اليوم ، نشوفكم على خير التدوينه القادمة.
0 comments:
Post a Comment
تسعدني تعليقاتكم أو استفساراتكم :-)