Revlon lip butter review / ريفيو زبدات الشفايف من ريفلون

كيفكم ياحلوات

اليوم التدوينه مرا خفيفة وسريعه ..

فتره من الفترات تقريبا قبل سنه كانت زبدات الشفايف منتشره بشكل كبير وكتير من الشركات بدأو يتنافسوا و كل شركه حاولت تثبت نفسها.

فكره زبده الشفايف انه يكون عباره عن روج عادي يعني لون قوي و شكله كمان روج لكن بنسبة ترطيب جداعالية.

الناس اللي يعانوا من الجفاف حبوها وانا منهم لانه لمن نستخدمها نكون بنحط روج و في نفس الوقت في عناية.

اكتر براند حبيت عندهم الزبده هي ريفلون ومازلت ابغا اجمع الالوان كلها ، مرا حبيتها وطحت فيها شي موطبيعي الوانها و تصميمها شدني وبقوه ، كانها حلويات ملونه.

كنت اخدها من بوتس وكانوا كتير بيسوو عروض انه 3 بسعر اتنين ،فكانت فرصه ليا اني اجمع اكتر واكتر.

زي ماقلتلكم الميزه فيه انه ترطيبه جدا عالي و الوانه واضحه و صريحه ، وفي اختلاف و تنوع في الالوان يعني تلاقي النيود ،الزهري ، البرتقالي ، الاحمر الصارخ ، الاحمر العودي .... تقريبا كل الالوان.

هنا سواتش من النت بالألوان

http://karlasugar.net/2011/12/revlon-lip-butters/

و ماتحسيه سايل كانه قلوس يعني ماسك نفسه ههههه ، الفينيش قلوسي يلمع طبعا لانه من اهم خصائصة الترطيب ، بعضه فيه قلتر و بعضه لا.

عيبه الوحيد انه مو ثابت و اتوقع اغلب الارواج المرطبه كده بسرعه تروح مو زي المطفي ، انا عشان اثبته احط قبله قلم شفايف و اعبي فيه و بعدين الزبده ، وممكن اعيد عليه خلال اليوم.

احبهم كلهم لكن اكتر الوان اميل لها هي

الزهري

Berry smoothie

اللحمي

Macaroon

العودي

Red velvet

جربوه و متاكده حتنبسطوا ، اتمنى التدوينه عجبتكم و استفدتوا منها نشوفكم على خير التدوينه القادمة.

Leave a Comment Beauty