Favotites \ مفضلات

كيفكم ياحلوات

مرا واحشتوني والله ، انشغلت الفتره الماضية واختفيت شويه كنت جدا مشغولة لكن حاولت اكون معاكم دايما على انستقرام و شويه سنابات ..

و احلى موضوع بعد الاختفاءات هو مفضلات للفتره الماضيه، جمعتلكم شوية منتجات مفضلة معلقة عليها الفتره دي فقلت خليني اشاركها معاكم.

اوكي نبدأ بسم الله

عطر مسك الامارات من هند العود ، من اجمل العطور الشرقيه اللي استخدمتها ، طبعا ماراح اقدر اوصف الريحه بشكل دقيق لكن من اسمه مسك ، وفيه شويه عود و ريحه بودره.

هند العود موجود في الرياض و انا اخدت حقي من دبي. دبي مول.

Soap & Glory Heel Genius

كريم الرجل من سوب اند قلوري ، من زماااان احبه ، لاني احب لمن منتجات الرجل تجي منعشه و تحسيها فريش، الكريم دا لونه اخضر وريحته تشبه النعناع و الحمضيات ابدا مو ريحة سوب اند قلوري اللي متعودين عليها (ترا اللون والريحه يلعبوا دور مهم بالنسبة ليا هههه).

اغسل رجلي بالمقشر و الحجر و انشفها و اغرقها كريم البس شراب وانام ، بحاول التزم بدا الروتين كل يوم لانه بجد يفرق مع الاستمراريه. لكن اعترف انه مرات اكسل وانام.

المهم جربوه مرا جميل و ترطيبه فضيع من صيدلية بوتس.

L'Oreal Infallible 24 H Foundation

فاونديشن من لوريال انفالبل العادي مو المطفي ، تغطيته نقدر نقول انها متوسطه ، و الفينيش يجي ساتين يعني مطفي بلمعه خفيفة جدا.

مرا ثابت يعني ارجع من الدوام انظف وجههي ومازال فيه ، طبعا ماجربته 24 ساعه زي ماهو مكتوب يعني قعدت فيه من 8-12 ساعه تقريبا.

صراحه بدات ارتاح عليه اكتر من المطفي اللي يجي عصار بماانه بشرتي مختلطة مايلة للجفاف.

Urban decay weightless complete coverage concealer

الكونسيلر من اربان ديكاي ، احطه لمنطقه تحت العين يعطي اضاءه حلوة و يبعد التعب شويه ، مرا كريمي و سهل في الدمج والتوزيع ابدا مايبين الخطوط . احبه من اول و صراحه يستاهل الضجه اللي سارت عليه.

بس في نقطة مهمه في اي كونسيلر ، ضروووري يتثبت بباودر على طول ولا اكيد حيبين الخطوط اللي تحت العين ،بودرتي المفضلة لتحت العين هي لورا مرسييه سيكرت برايتننق باودر.

Bare mineral lash domination mascara

بير مينيراال من الماركات اللي جدا زعلانه انها انقطعت من سيفورا حقتنا ، عندهم حاجات حلوة ومميزه .. الحمد لله ممكن نطلبها اون لاين.

المهم ، الماسكرا حقتهم لاش دومينيشن حلوه للتكثيف مو للتطويل ، في العاده انا ادور التكثيف اكتر ، حتى فرشاتها غريبه وعجيبه ههههههه.

أول مااستخدمتها حسيتها سايله و سايحه بزياده ، بعد مده لمن شويييه قدمت سارت جدا جدا جميلة ابهرتني وفاجئتني الصراحه.

theBalm Balmsai

نجي على الباليت الفضيع دا من ذا بالم، طلبته ايام البلاك فرايداي اظن و دوبي استخدمه .. بشكل عام الظلال و 

الباودرز حقون ذابالم يعتبروا من التوب عندي . و الباليت دا ماخيب ظني الوانه و ثباته جدا رائعين.

الوانه بارده اكتر من انها دافيه، و من الحاجات الحلوه كمان انه الصف اللي قبل الاخير هي بودرات للحواجب ، طبعا تنفع تكون شادو بس هي نفسها حقت الحواجب اللي تتباع لحالها عندهم ففرصة انك تجربيها.

الشي الوحيد اللي ماعجبني القسم اللي تحت ، حاطين في بلاستيكات تساعد على رسم الحواجب والايلاينر ، شوفوا انا ماجربتها يمكن فعلا تكون تساعد ، بس حسيت لو كانت بلاشر او برونزر حأنبسط بالباليت اكتر.

والغريب فيها انه مرا ماخدت صيت وشهره زي باقي باليتات ذا بالم مع انها جميلة و عمليه.


سواتش من النت

http://www.projectvanity.com/projectvanity/2015/5/11/swatched-thebalm-balmsai-palette

الشادوهات الكريميه سايره عشق بالنسبه ليا ، بالذات الصباح تحطي شويه تدمجي باصباعك تحطي ماسكارا و ياسلام خلصنا مكياج العيون بدون اي مجهود و بنتيجه جميلة وناعمه.

القلمين الواقفين من لورا مرسييه

laura mercier caviar stick khaki , amethyst

الكافيار ستيكز دي تجنن ، مرا سوفت كانها زبده والوانها جميله بالذات دول الاتنين ، هو جاني مع كوليكشن الكريسمس فيه 6 الوان بس ميزه الاتنين دي انه ممكن تنحط لحالها ماتدمجيها مع اي لون.

ثباتها عالي فلازم تدمجيها بسرعه لانها حتجف ولاحتتحرك الابمزيل مكياج ، نعومتها والوانها الجميلة فكرتني بحقت بوبي براون مرا كتير تشبهلها حتى في الباكيجينق.

الكاكي على اخضر جدا غامق و اميثيست تيوب موف على بني. دي احجامها ميني إن شاء الله اكيد حجيب الحجم الكبير منهم و كمان في لون على برونزي اسمه كوبر نفسي اجربه.

هنا صورة سواتش من النت تاني وتالت لون من اليمين

المسدوحين في اتنين البيج من سيفورا احب استخدمه لتحت الحاجب بماانه مطفي و كمان لداخل العين ، ثابت ، لونه واضح و سهل جدا في الدمج.

sephora eyeshadow pencil 33 secret bonjour

اللي على بني من تشالرلوت تيلبوري ، كنت اخدته ايام بريطانيا بس ممكن تتطلبوه اون لاين صراحه يستاهل

الدرجه غريبه بين البني والاخضر والاحمر و فيه قلتر دهبي ، هي مسوقته انه يبرز جمال العين البنيه، صراحه كلون هو فعلا غريب و حلو ، اسمه :

COLOUR CHAMELEON

AMBER HAZE

نفس موصفات حق لورا مرسييه الحلوة بس الفرق انه يحتاج برايه ، حقي مرا سار قصير من كتر ماابريه.

هنا سواتش من النت

اول لون من اليسار

ولو دخلتي الويب سايت حقها في سواتشات لجميع درجات البشرة

http://www.charlottetilbury.com/au/colour-chameleon-amber-haze.html

نجي على بودرات الوجه

من اليمين

laura mercier highlighter 01

اضاءه لورا مرسييه ، لونها ذهبي ناعم .. زي ماانتوا شايفين جحمه صغير لانه جاني مع بوكس من سيفورا حق الكريسمس ، بس بعد ماجربته قررت اطلب الكبير منه.

سواتش من النت

http://www.theskinandbeautyblog.com/2016/01/laura-mercier-matte-radiance-baked.html

Betty-Lou Manizer Bronzer/Shadow

برونزر بيتي لو الشهير من ذابالم ، جدا جميل اذا تحبي تسوي اللوك البرونزي الدافي ، و كمان يعطي اضاءه جميلة وناعمه. اتوقع مايحتاج اشرح عنه مرا مشهور هو و ماري لو.

طبعا ينفع شادو و برونزر ، وانا استخدمه بالطريقتين.

سواتش من النت

http://blogbeautycareforyou.blogspot.com/2012/10/the-balm-betty-lou-manizer-bronzer.html

Hot Mama Shadow/Blush

شي تاني برضه جدا مشهور من ذابالم ، هو بلاشر هوت ماما ، من الدرجات اللي تناسب الكل ، لونه وردي على خربزي مع شيمر ذهبي جدا ناعم.

سواتش من النت

اللون اللي في النص

http://matejasbeautyblog.blogspot.com/2015/12/thebalm-hot-mama-shadowblush.html

بودرات ذا بالم جودتهم جدا جدا جميلة سواء للوجه او العين زي ماقلتلكم في الباليت مرا انصحكم فيها ، حاولوا تستغلوا التخفيضات .. كيف تعروفوا انه فيه تخفيض ؟ تابعوهم عن طريق الانستقرام كل مايسوو عرض بيعلنوا.

من الحب زويفا باليت البلاشرات النيود او ممكن نقول بلاشرات و برونزرات

zoeva nude spectrum blush palette

قبل فتره عملت اوردر من زويفا طلبت فيه كم شي من الباليتات الجديدة ، البلاشرات والشادوهات ، و حاعمل عنهم ريفيو مفصل إن شاء الله قريبا.

بس بشكل عام الباليت خراااافه فضييييع وبس ههههه.

سواتش من النت

نجي على الشفايف

من اليمين

thebalm Meet Matt(e) Hughes Long Lasting Liquid Lipstick CHARMING

الروج المطفي تشارمنج من ذابالم ، لونه موف على وردي نيود ، المكس المفضل عندي .. تركيبته ناعمه تميل 

انها موس اكتر بس موس سايل يعني مو مرا موس زي حق ان واي اكس.

اللون جدا واضح ، ثباته تقريبا 6-8 ساعات لو بدون اكل او شرب ، لو اكلتي ممكن شوييييه يتمسح من النص فلازم تعيدي عليه.

سواتش من النت

اللون اللي في النص

bobbi brown art stick Brown Berry

من بوبي بروان واحده من احلى الارواج المطفيه اللي احبها ، اتوقع حفظتوني خلاص قدايش اعشق دا اللاين و ناويه إن شاء الله اجمعه كله. حبيته زي ماحبيت نارس اوديشز.

الدرجه دي طلعت مع مجموعه من 3 ارواج كنت طلبتها من نفس موقع بوبي بروان ، ولكن للاسف لاحظت انه اللون دا حصري للمجموعه دي بس ، يارب ينزلوه لحاله لانه يجنن.

هنا سواتش من النت هو اللون اللي في النص

http://miaslittlecorner.blogspot.com/2015/10/intense-lip-color-bobbi-brown-art-stick.html

وممكن تتطلبوا المجموعه من هنا

https://www.bobbibrowncosmetics.com/product/13996/37812/Palettes-and-Sets/Art-Stick-Trio/FH15

charlotte tilbury matte revolution lipstick in bond girl

روج مطفي تاني من تشارلوت تيلبوري المره دي ، اول مرا اجرب المطفي حقها و وقعت في حبه ، لونه يعبر عني بني محمر على وردي ، لونه غريب مو قادره الاقي وصف.

تركيبته جدا جدا كريميه مع انه مطفي ، فمايجفف الشفايف .. مريح وسهل في الاستخدام واللي مرا لاحظته الثبات ثااااابت مااتوقعت كده بماانه مو روج سائل مطفي زي اللي اتعودنا عليه.

هنا سواتش من النت

http://www.thehappysloths.com/2015/09/charlotte-tilbury-matte-revolution-lipstick-review-swatches-very-victoria-bond-girl.html

http://www.thebeautylookbook.com/2015/09/charlotte-tilbury-matte-revolution.html

http://ashbam.com/the-lipstick-diaries-charlotte-tilbury-matte-revolution-lipstick/

والمسدوح هو

Sephora liquid lipstick 13

الروج المطفي الشهير من سيفورا رقم 13 ، دايما يخلص بسرعه لمن تلاقيه خديه على طول بدون اي تفكير ، اللون على نيودي موف و تركيبته وثباته جدا ممتازين.

سواتش من النت

https://thelipstickduchess.com/2015/09/30/liquid-lipsticks-the-series-sephora-and-nyx/

اللون اللي تحت

اخر شي المناكير الجديد من بودي شوب

مالقيتله سواتش من النت ، لونه وردي جدا فاتح ، اذا تعرفوني انا احب الفاتح اكتر بماانه اظافري قصيرة .. حتى الغلط فيه مايبان كتير ههههههه.

الدرجه اسمها

350 British Rose

التدوينة طويلة ان شاء الله ماطفشتوا ، بس دي حق فتره طويله ماسويت فيها بوست مفضلات .. اتمنى التدوينه عجبتكم واستفدتوا منها ونشوفكم على خير التدوينة القادمة.

Leave a Comment Beauty