كيفكم
ياحلوات
انا
عارفة المفروض اكمل السلسلة حقت الأرواج السائلة ، بس التدوينة دي لااااازم تنزل
دحين. وحنكمل بعدها إن شاء الله.
بودي شوب
كانوا لطيفين جدا معايا وارسلولي البوكس الجميل دا ، هو عباره عن التقويم حق رمضان
بطريقة العد التنازلي للعيد.
يعني كل
يوم من رمضان له علبه صغيره تفتحيها و تتفاجئي بالمنتج اللي جوتها. طبعا كلها
منتجات بودي شوب.
نفس
طريقة الادفن كاليندر اللي عند الاجانب بس حقتهم للكريسمس، و برا بيسووا الحركة دي
مرا كتير لاي منتجات ممكن تتخيلوها حتى للأكل والحلويات، كفكرة جدا جدا جميلة و
مرا حبيت كيف انه بودي شوب عملتها للعيد.
يعتبروا
الوحيدين اللي هنا في الشرق الأوسط . اضافه حلوة للماركة خصوصا انه اغلبنا يمكن
كلنا مجربين منتجات بودي شوب و اكييييد في شي من عندهم مانتستغنا عنه. و الاهم انه
مو كل شي في البوكس جربناه قبل كده فحتكون فرصة للتجربه ههههه.
تابعوني
في سناب شات نفتح مع بعض في رمضان إن شاء الله العلب ... حسابي
Murmur_blog
حأفتح
معاكم للتدوينه علبه تشويقه و حأرجعها في البوكس كأني ماشفت ههههههه.
ورا
العلبه مكتوب كل المنتجات ، عشان الحماس الافضل اني مااقرأه ، بس متأكده في ناس
يحبوا يعرفوا اش جوته قبل لاياخدوه فهنا صورة بكل المنتجات اللي داخل الصندوق.
سعره 499
، يعتبر غالي ، لاحظت انه المنتجات اللي فيها حلوة معظمها كريمات ، مني متأكده اذا
يستاهل السعر دا او لا. نفسي كانوا يكتبوا عليه قد ايش وفرنا او القيمة الاصليه
للصندوق عشان من خلاله اكيد حيبان اذا
الموضوع فيه توفير او لا.
لكن
لاننكر كونه التقويم الوحيد اللي بالفكره دي و كمان اغلب منتجاتهم حلوة و حتستهلك
و أهمممم شي عنصر المفاجأه و الحماس فهو يستاهل من وجهه نظري.
وهنا لفتة حلوة من بودي شوب
اتمنى التدوينة
عجبتكم و استفدتوا منها الله يبلغنا جميعا رمضان و نحن والأمة الإسلامية في أحسن
حال.
نشوفكم
على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)