Liquid Lipstick Series :KAT VON D / سلسلة الأرواج السائلة المطفيه :كات فون دي

كيفكم ياحلوات

اليوم حكمل الجزء التاني من سلسلة الأرواج السائلة المطفية اللي بدأتها الاسبوع الماضي ، وهنــــــا كان الموضوع الاول عن الارواج السائلة من ذبالم.

اليوم حيكون مع واحده من اشهر الماركات اللي انتشرت في السوق بشكل سريع و خيالي ، كات فون دي من سيفورا.

كات فون دي من الناس اللي دخلوا عالم الجمال بشكل واسع في وقت خيالي ، ماشاء الله اي منتج جديد من عندها قاعده تسير عليه ضجه و شهره جدا واسعه ، زي مثلا التاتو لاينر ، الارواج السائلة ، الكونتور باليت وغيره كتييييير.

اليوم حنركز على الارواج السائلة من عندها

اسم الروج

Kat Von D Everlasting Liquid Lipstick

عدد الدرجات في الموقع

28

سعره

20 دولار.

حوالي 100 ريال في سيفورا حقنا.

الرابط

http://www.sephora.com/everlasting-love-liquid-lipstick-P384954?skuId=1705052&icid2=brand%20content_brand:kat%20von%20d_p384954_image

متوفر عندنا في سيفورا كمان.

تركيبته

كريميه.

ميزاته

الدرجات متنوعه من النيود للألوان العجيبه الغريبه ، اسود ازرق.

ثابته جداااا وخفيفة كأنها تسير جزء من شفايفك ماتحسي بالطبقة حقت الروج.

من اول طبقة يغطي الشفايف بالكامل ، لانه مرا صريح وقوي.

عيوبه

التعليب مو مرا عاجبني انه الابليكيتور حق الروج مرا طويل بشكل مو مريح.

من عيوبه اللي ممكن تكون ميزه ههههه انه صعب لمن تنظفيه ، لازم مزيل مكياج زيتي او فيه زيت حيسهل كتير.

بشكل عام

من افضل التركيبات للأرواج السائلة.

الدرجات اللي عندي

من اليسار

Mother

لونه موف على وردي مع نتفة بني ، يناسب اغلب الوان البشره ومن الالوان المميزه اللي ماتلاقيها كتير.

سواتش من النت

Bachelorette

لونو فوشي محمر ، دا أجرأ لون عندي في مجموعتي.

سواتش من النت

http://pireinorosa.com.br/2015/02/02/everlasting-love-liquid-lipstick-da-kat-von-d-cor-bachelorette/

Double Dare

لونه وردي على بني ، المفضل عندي اكتر من لوليتا كمان.

سواتش من النت

http://www.thehappysloths.com/2015/09/kat-von-d-everlasting-liquid-lipstick-review-swatches-exorcism-ayesha-witches-double-dare-damned-mother-requiem.html

Lolita

الاشهر على الاطلاق في المجموعه ، و يستاهل شهرته بكل امانه، لونه روزي على بني.

الحجم اللي عندي صغير لانه اخدته من مجموعه الكريسمس ، بس طبعا ينباع حجم كامل.

سواتش من النت

http://www.thehappysloths.com/2015/11/kat-von-d-holiday-2015-lolita-lip-duo-review-swatches-lolita-ii.html

Lolita II

من كتر ما لوليتا انشهر طلعوا لوليتا 2 ، لونه نيود على برونزي و نتفه برتقالي.

سواتش من النت

http://www.thehappysloths.com/2015/11/kat-von-d-holiday-2015-lolita-lip-duo-review-swatches-lolita-ii.html

اتمنى التدوينة عجبتكم واستفدتوا منها ، نشوفكم على خير التدوينه القادمة.

على فكره اش تتوقعوا الماركه الي حتكلم عليها المره الجاية ؟

2 comments Beauty