كيف
حالكم ياحلوات
اليوم
حعملكم ريفيو عن باليت زويفا السموكي باليت ، طلبتها لمن عملت طلبيه الفرش قبل
فتره لاني سمعت عنها مدح وقررت اجرب بنفسي .
العلبه
زي علب ماركة ذابالم جاية على كرتون ، مافيها مراية ، وتتكون من عشرة الوان كلها
زي ماانتو شايفين الوان تميل انها تكون طبيعيه و تستخدم في اكتر من وقت او مناسبة.
الالوان
كلها مطفيه ماعدا لونين فقط، و هنا السواتش من موقعهم
http://www.kalterkaffee.at/2014/11/new-zoeva-eyeshadow-smoky-palette.html/
الصراحة
فضييييع مااتوقعت باليتهم بالجودة الجميلة دي ، الوانها واضحة وصريحه و سهله في
الدمج، لاحظت كمان مع انه الالوان بعضها غامق الا انه نادر مايتفتت تحت العين.
تقعد وقت
طويل في العين وماتبهت بسرعة ، ذكرتني جودتها بجودة شادوهات اربان ديكاي وتوفيسد الا انها ارخص
بكتير ، سعرها تقريبا 18 يورو يعني ماتتعدا 100 ريال .
هل حأجرب
الوان تانيه ؟
اكيد إن
شاء الله ، مرا متحمسة اجرب، بالذات الباليت اللي اسمها
ROSE
GOLDEN
NATURALLY
YOURS
شوفو
سواتشاتهم موقعهم مرا تبكي
هنا رابط
الباليت السموكي
وكنت طلبت معاها مراية عملية و كيوت شوفو كيف شكلها
وهنا رابط المراية
https://www.zoeva-shop.de/en/cosmetic-mirror/a-8000158/
مرا
انصحكم تجربوا الباليت ، انا طلبتها مع فرش واستخدمت بريد ارامكس شوب اند شيب (لانه الموقع
الماني و شوب اند شيب يفتحوا لك عنوان في المانيا) . و ان شاء الله قريبا حسوي لكم
ريفيو مفصل عن فرشهم .
اتمنى
تكون التدوينة عجبتكم و استفدتوا منها نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)