كيفكم ياحلوات
اليوم التدوينة حتكون سريعة ولزيزة
،عن الاظافر الصناعيه من اليقنت تتش.
أنا اخدت حقتي من بوتس بريطانيا ..
و كان من ضمن المشتريات في الموضوع هنــــــا. و قدرت الاقيه في اسوس و طلبت منه
كمان لاني ماالاقيه بسهوله.
فكرته انه اظافر صناعية مؤقته بلصق ، من غير الغرا و غلبة الغرا ، مجرد لصق تلصقيه و ترجعي من
مناسبتك تفكيه.
يجي معاه مبرد صغير و مناديل مبلله
لتمسيح الاظافر ، للامانه مااستخدمتهم.
العلبه حقته كأنها علبه مناكير
وسطها الاظافر ، تجي بمقاسات كتير عشان تناسب كل احد و كمان ممكن تاخدي العلبه
معاكي الشنطة عشان لو طاح ظفر تستبدليه على طول من غير احراج.
العلبه وسطها 24 ظفر ، استخدمتها على مرتين المره الاولى اخترت المقاسات الصح اما المرا التانيه استخدمت الباقي من الاظافر فكان في بعضه مو مناسب.
انا من الناس اللي اعترف اني جدا
فاشلة في الاظافر ، يمكن لان شكل ظفري مايساعد ؟؟ هههههه ظفري صغير زي حق البزوره
و لمن يطول مااحسه مرتب .. فالاختراع دا سهل حياتي جدااااا. بس طبعا مايمنع انه في
ميزات و عيوب زي أي منتج ...
حقلكم باختصار الميزات والعيوب اللي
لاحظتها فيه
الميزات
عملي و جدا سريع.
شكله مرتب و كأنه ظفرك بس متعوب
عليه ، يعني يفك ازمه.
انا ماجربت اخليه الا كم ساعه (وقت المناسبه او الايفنت) ، وكان ثابت لكن ماجربت اخليه كم يوم.
مافي لغوصة الالوان حق المناكير
(بالذات لمن اسوي يدي اليمين بيدي اليسار) ، و حوسة انه نستناه ينشف هههههه واضح
اني اعاني من دا الموضوع.
العيوب
مايتلاقى بسهوله . اتمنى اللي تعرف
فين نلاقيه هنا تفيدنا .. في بنات قالولي انه موجود في كارفور و بوتس بس مااتأكدت.
مافي ديزاينات كتير.
يعتبر غالي بالنسبه لظفر يتلبس مرا
واحدة. حوالي 45 - 50 ريال.
دي كانت تدوينة اليوم .. اتمنى تكون
عجبتكم و استفدتوا منها ، نشوفكم على خير التدوينة القادمة.
0 comments:
Post a Comment
تسعدني تعليقاتكم أو استفساراتكم :-)