كيفكم
ياحلوات
بما إني
اعشق مواضيع المشتريات لاتسألوني ليش يمكن لقافه ههههه .. متأكده انه اغلبكم نفسي
فقررت اوريكم مشترياتي التجميلية اللي اخدتها من بريطانيا في آخر سفرة.
أنا
سافرت قبل رمضان بأسبوع و قعدت أسبوع فرجعت وبدأ رمضان و العيد أنشغلت ومانزلت
الموضوع ، بس لاحظت الاغلبيه بتسافر بعد العيد فقلت خليني انزل الموضوع يمكن
تستفيدوا.. والحمد لله الاون لاين حل مشاكل كتير و سار التسوق اسهل و اسرع و طبعا
ماسار يقعد في يدنا قرش واحد هههههه الكنترول سار اصعب.
خلينا من
دا كله و نشوف مع بعض المشتريات بشكل سريع وخفيف
من
صيدلية بوتس
Soap & Glory CLEAN ON ME
SHOWER JELLY
شاور
جيلي نازل جديد عند سوب اند قلوري ، لاحظوا قلت جيلي مو جل فتركيبته زي كأنه
الجيلي اللي يتأكل مرا غريب ، وبمااني احب سوب اند قلوري اخدت حبتين.
Sanctuary Spa Ultimate Cleansing Oil
Sanctuary Spa Warming Cleansing Butter
الماركة دي
اللي مااعرف انطقها هههههه ، هي متخصصة في منتجات العناية بالجسم والبشرة متوفرة
عندهم في بوتس واتوقع سارت عندنا في النهدي شفت كم بنوته صورت منهم.
اخدت
منظفات المكياج ، الزبده لاني اعشق زبد التنظيف فقلت اجرب ، والزيت لانه حق بودي
شوب المفضل عندي مرا مختفي من السوق.
ميزه
الزبد والزيت في التنظيف انه الوجه يكون بيتنظف و نفس الوقت مساج و ترطيب لطيف ،
وممتاز لكل انواع البشرة خاصة الجافة.
Bumble & Bumble Full potential hair
preserving booster Spray
في
العادة مااروح لمنتجات الشعر لكن الموظفة بشطارتها اقنعتني اخد دا البخاخ من ماركة
بمبل اند بمبل ، تقول انه لو بخيتيه يوميا على جذور الشعر راح يساعد في نمو وتكثيف
الشعر مع الوقت.
وبما انه
شعري بيتساقط قلت خليني اعطيه تجربة و نشوف ، بس الخوف انه من جد يناسبني و مافي منه
هنا و اخاف مايرضوا اشحن سوائل ... اممم خليني اجرب بعدين اسوي دراما.
Elegnt Touch Express Polished Nails
الاظافر
الصناعيه السريعة ، ماتحتاج غرا مجرد لصق .. إن شاء الله حكتبلكم عن تجربتي معاها
بشكل مفصل في تدوينة تانية.
من
اليمين
L'Oreal Paris Nude Magique Cushion Foundation
L'Oreal Paris Lumi Magique Primer
L'Oreal Paris Glam Bronze Duo Sun Powder Brunette
الفاونديشن
اللي طاااالع اليومين دي الكوشن ، لقيت درجتي فقلت فرصه نجرب ، وكان في عرض انه
اتنين بسعر تلاته فاخدت البرايمر و البرونزر كمان كلهم من لوريال.
من
اليمين
Soap & Glory Sexy Mother Pucker Pinks Collection Lipstick in matte Pommie Girl
Soap &
Glory Sexy Mother Pucker Reds Collection Lipstick in matte Berry Kissable
Soap & Glory Archery
Volu-Boost Brow Fibre Gel
طبعا
ماتحسب زياره لبوتس لو ماعديت ستاند سوب اند قلوري المكياج ، ماشاء الله مرا اتوسعوا
عن اخر مره ، لفت نظري الارواج الجديدة و ماسكرا الحواجب.
الارواج
سار عندهم خط كامل للنيود و خط للورديات و خط للأحمرات ... وكل خط في فينيشز
مختلفه يعني مطفي، كريمي، ساتين ....
اخدت
واحد من الاحمر و واحد من الوردي و كلهم مطفيين. طبعا كنت ابغا نيود بس مخلصة
الدرجة اللي ابغاها.
و ماسكرا
الحواجب اخدت الدرجة المتوسطة ، لا مرا غامق و لا فاتح تقريبا نفس لون حواجبي.
اللي
يعرفني يعرف انه يدي جدا جافة فكريمات اليد جزء مهم في روتيني ، و انا في بوتس
لمحت دا الكريم و شفت قبل كده ناس كتير تمدح فيه واخدته. اصلا الصورة اللي عليه
مرا معبرة صراحة هههههه.
من جون
لويس (بالأخص ستاند لورا مرسييه)
laura
mercier secret brightening powder
اخدت
بودرتي المفضلة لتحت العين لانه حقتي على نهايتها خلاص وخفت تكون مخلصة هنا.
ومن محل
الفيتامينات هولاند أند باريت (عندهم فرع في دبي مول)
Perfectly Pure Extra Virgin Coconut Oil
Holland & Barrett Wonder Oil
اخدت زيت
جوز الهند ، اظني اخر واحدة ماجربته.
ولفتني
الزيت التاني دا اسمه وندر اويل ، مكتوب انه خليط من مجموعه زيوت و ينفع للجسم ،
الشعر و الاظافر.
دي كانت
مشترياتي من بريطانيا ، زي مالاحظتوا اغلبها كانت من صيدليه بوتس .. ياريت بوتس
اللي عندنا يتوسع زي هناك والله.
اتمنى
التدوينة عجبتكم و استفدتوا منها ، نشوفكم على خير التدوينة القادمة.
بالعافية عليكي المشتريات
ReplyDeleteواكتر شي عجبني الاظافر الاصطناعية اللي تتركب من دون غراء الاختراع دا حيكون مرره جبار وجميل