كيفكم
ياحلوات
اليوم
الموضوع خفيف ولزيز ، حيكون عن 5 نصايح مهمه لازم تتبعيها قبل العيد ، عشان تستقبلي
العيد بكامل نضارتك و اشراقتك... حتى لو بقي يوم للعيد كلها حتستفيدي منها أنا
متأكدة
النصيحة
الأولى
الترطيب
اقصد
بالترطيب هو الترطيب العميق يعني من الداخل والخارج ، من الداخل بشرب كتير من
المويه خلال فتره الافطار ، و الله دي النصيحة اتمنى انا انفذها واستمر عليها لاني
استمر يوم و انسى يوم. مع الاستمرار راح تلاحظوا الفرق في البشره.
من
الخارج يشمل كل الجسم بشكل خارجي
الشعر : لازم
من اقنعة الشعر وبماانه بقي يومين للعيد فعلى الأقل مرا واحدة خلالها.
ارشح ماسك جوز الهند من صيدلية وايتس
البشرة :
بجانب الروتين الصباحي والليلي ، ضيفي الاقنعه اللي تحتاجها بشرتك ، مثلا انا
بشرتي مختلطة تميل للجفاف فأحب استخدم اقنعة ترطيب اكتر شي.
من
الاقنعه اللي احبها
اللي في
الأطراف (من سيفورا)
peter
thomas roth rose stem cell mask
clarins
hydraquench mask
اللي في
النص (طلبته اون لاين)
origins
drink up intensive overnight mask
كتبت
عنهم كتير في المدونة في مواضيع سابقة.
وطبعا
كريمات وزبدات الجسم دايما بعد الترويش جدا ضروري، هنا كريمين من كريماتي المفضلة
اللي دايما اذكرهم من لورا مرسييه و سوب اند قلوري.
النصيحة
التانية
التنظيف
و التقشير
لازم
لااااازم لو تبغي ترطبي تهتمي قبلها بالتنظيف و التقشير.
التنظيف
يكون بشكل يومي صباح و مسا ، لكن التقشير لا.
التقشير
للوجه مرتين الى ثلاته مرات في الاسبوع. حاليا بستخدم المقشر حق سوب اند قلوري
للوجه ، حبيباته جدا ناعمه ولطيفة.
وللجسم
كمان مرتين الى تلاته في الاسبوع ، و حاليا قاعده اجرب مقشر فرانك اللي كسر الدنيا
، بشوف هل هو قد المدح او لا، ان شاء الله بس اعطيه حقه من التجربة راح اكتب عنه
ريفيو.
النصيحة
التالتة
المفروض
دحين تبدأي تتأكدي انه كل ملابس العيد جاهزة ، مكوية ومعلقة ، لاتأجليه لليلة
العيد عشان لاتنضغطي وتتورطي.
طبعا مو
بس ملابس العيد حتى الشنطة ، الشوز و الاكسسوارات.
صح افتكرت
هنا نصيحة بسيطة لاتنسي تحطي في شنطة يدك كريم يد ترطيبة حلو وريحته ناعمه ، لانه
حتكوني وقت طويل برا البيت و حتقابلي ناس فأكيد حتحتاجيه.
احب
الكريمين دول من لورا مرسييه وبودي شوب
النصيحة
الرابعة
من اهم
النصايح لاتجربي منتجات جديدة في العيد سواء عناية للبشرة او فاونديشن او حتى أي
شي ، لازم تكوني مجربته من قبلها بفتره عشان لاسمح الله لا تتحسس منه بشرتك يوم
العيد.
وكمان
لاتجربي تقنيات جديدة بالمكياج مثلا رسمة عين جديدة أو اول مرا تركبي رموش لااااا
، عندك يومين اتدربي من دحين.
النصيحة الخامسة
العناية
بالقدمين ، مرا ضروري العناية سواء بالصنفرة أو بالكريمات.
كريم جليسوليد
من اقدم واحسن الكريمات و حتى ارخصها ، متوفر في كل مكان وعن نفسي اعتبره فعال.
حطي منه
كل يوم والبسي شراب ونامي، راح يتحسن شوية شويه مع الاستمرار.
اتمنى التدوينة عجبتكم و استفدتوا منها ، و كل سنة وانتم طيبين ، الله يعيده علينا وعليكم وعلى الأمة الاسلامية بكل صحة و سعادة.
0 comments:
Post a Comment
تسعدني تعليقاتكم أو استفساراتكم :-)