كيفكم
ياحلوات
اليوم
التدوينة حتكون ريفيو عن فاونديشن الكوشن الجديد من لوريال. أول شي اش يعني كوشن
؟؟
فكرة الكوشن انه الفاونديشن السائل يكون في علبه زي الكومباكت باودر مقسمة
دورين الدور اللي تحت السائل و الاسفنجه و الدور التاني اسفنجة خارجية عشان
تستخدميها وقت ماتحطي الفاونديشن.
اذا مافهمتوني شوفوا الصور دي توضح الفكره :
هو
الفكرة اصلا كورية ، وسووه على أساس انه يعطي تغطية خفيفة و بلمعه صحية ، و طريقة
وضعه انك تاخدي الاسفنجة اللي تجي معاه تضغطي المخدة و بالطبطبة على الوجه.
كتير
ماركات سووها ومااتحمستلها صراحة ، بس بما انه لوريال سعرها يعتبر كويس والمدح
عليها حلو في السوشيال ميديا قلت خليني اجربها.
جبتها من
بوتس بريطانيا ، كانت ضمن موضوع المشتريات التجميلية هنــــــا.
تجربتي و
رأيي
بصراحه
للان انا مو عارفة ليش الحوسة ههههههه الفكره مابلعتها ، انه اضغط اسفنجه عشان
يطلع لي فاونديشن و الاسفنجة شكلها مع الاستخدام يسير يقرف.
يعني
الفاونديشن نفسه مرا حلو ، بس لييييش في كوشن ، يعني عن نفسي افضل يكون في تعليب
عصار او ضغاط و اوزع بأصباعي او البيوتي بلندر .. نفس النتيجة ويمكن احلى و في وقت
اقصر و من غير الحوسة.
التغطية
من متوسطة لخفيفة وتعطي لمعه صحية حلوة ، حلو كأستخدام يومي .. لكن مو للمناسبات
ابدا.
يناسب
البشرات الجافة والمختلطة ، الدهنية مااظن حيناسبهم لانه حيدهن اكتر.
يعني
بشكل عام زي ماقلتلكم الفاونديشن نفسه و تركيبته حلوين ، لكن التعليب والفكرة
ماناسبتني ابدا.
اتمنى
التدوينة عجبتكم واستفدتوا منها ، نشوفكم على خير التدوينه القادمة.
0 comments:
Post a Comment
تسعدني تعليقاتكم أو استفساراتكم :-)