كيفكم
جميلاتي
قبل شويه
نزلت الجزء الثاني وجاني حماس انزل الجزء الاخير لانه قصير وخفيف
في الجزء
دا حتكلم عن المكياج و الاشياء اللي استخدمتها من عندهم وخلصت من عندي
اوكي نبدا
بسم الله
المكياج
دي
مجموعه المكياج
زي
ماتلاحظوا ماجربت كتير زي منتجات الجسم
Soap & Glory Super-Colour Sexy Mother Pucker Lip Gloss
دا عباره عن قلوس يعطي شويه حجم للشفايف،
الصراحة ماحسيت انه يعطي حجم بس لاحظت انه يقعد لفتره طويلة لانه من النوع الثقيل
في تركيبته. الالوان جميلة ويعتبر من اوائل المكياجات اللي سووها.
اذا كنتي من النوع اللي تكرهي
الاحساس حقت القلوسات اللي تعطي حجم (تعطي احساس بدغدغة الشايف اول ماتحطيه) مرا
محا يناسبك دا القلوس.
Soap & Glory Thick & Fast Super
Volume Mascara Superjet Black
ماسكرا ثيك اند فاست، ماسكرا حلوه
تعطي لوك طبيعي و تكثف الرموش، احلى شي انها ماتتكتل و ماتنزل مع الوقت.
الماسكرا دي تنفع للصباح مرا لوكها
على العين طبيعي مو درماتيك ابدا.
Soap & Glory Glow All Out Luminizing Face
Powder
بودرة هاي لايتر تحطيها على عظمه
الخد و عظمه الانف و ممكن كمان فوق الشفايف و مدمع العين.
جميلة وبيجمنتد جاي لونها وردي على
بيج، حبيتها مرا بس اتمنيت الباكجينج حقو يكون بلاستيك لانه كرتون وابيض !! فعلى
طول يتوسخ ويبان قديم.
الاشياء اللي جربتها وخلصتها
اعطيكم رايي فيها على السريع يمكن
تلاقو شي يناسبكم
Soap & Glory Mist You Madly Body Spray
بخاخ معطر للجسم ريحته فلوريه جميل
مرا، تبخيه بعد الشاور على طول قبل لاتلبسي والريحه تمسك معاكي وقت طويل.
Soap & Glory Hand Maid Antibacterial Hand Cleansing Gel
انتي بكتيريا صغنون للشنطة، الصراحه
الميزة الوحيدة في ريحتو خوووخ.
Soap & Glory Night In Shining Armour
Night Cream
كريم الليل حلو مرا مرطب وثقيل (انا
احب كريم الليل يكون ثقيل لانه بشرتي مختلطه على جافه) ومن ميزانه انه يمنع
التجاعيد، حبيته و حاجيب منه تاني ان شاء الله.
Soap & Glory Make Yourself Youthful Eye
Cream Anti-wrinkle Eye Cream
كريم العين حلو و الباجينج حقو كيوت
مرا، بس مافي ميزة زيادة عن باقي كريمات العين يعني ماحسيت بفرق.
Soap & Glory Feel Good Factor Translucent BB Cream
دا لمن اخدته اول كان كريم عادي
دحين مع التغيرات الجديدة سار بي بي كريم هههه حماس ، حلو وخفيف ريحته فواكه وفيه
حمايه اس بي اف 25 من الشمس، من الاشياء اللي افكر اكررها.
لاحظوا الصورة دا بالباكجينج الجديدة الصراحه كنت احب القديم اكتر لانه اكوت، كدا سار رسمي.
Soap & Glory Face Soap and Clarity 3-in-1 Daily Detox Vitamin C Facial Wash
غسول وجه قوامه جل ، حلو مرا ريحتو
و الاحساس بعده منعش ، بس جففني شويه لانه مو كريمي فاتخيل حيناسب البشرات الدهنية
اكتر.
Soap & Glory Off Your Face Wipes
مناديل تنظيف الوجه، حلوة بس برضه
ماحسيت فيه شي زيادة عن المناديل الثانية بالعكس انا افضل مناديل سمبل.
بس اللي يشفع له الباكيجنج مرا
حلووو و الجديد احلى من القديم.
Soap & Glory Pulp-Friction Foaming Fruity
Body Scrub
مقشر جسم مرا جميل وريحته تجنن،
ترطيبه مو مرا لانه لمن تحطيه على طول يسوي رغوه كانو شور كريم مقشر.
Soap & Glory Supercat Eyeliner pen Carbon
Black Extreme
أي لاينر اسود حلو وسهل بالذات
للمبتدئين، الاسود حقو مو مرا قوي اتوقعته يكون اقوى لانه اسمه بلاك اكستريم.
شكرا مرمر
ReplyDeleteربي يعطيكي العافية
^_^