كيفكم ياحلوات
اليوم البوست خفيف وصغنون، حيكون ريفيو عن
منتجين من مجموعه ريانا الجديدة للخريف من ماك.
اوكي نبدأ بسم الله
أول شي قبل لااتكلم عن المنتج نفسه ابغا
اتكلم عن الباكجينج، اول ماشفته لاشعوريا طلعت كلمة واااو ، زي ماتلاحظوا كلها روز
قولد و مكتوب عليها بالبنك، تحسي تفاصيله انيقة. على فكره انا مو معجبه بريانا بس الباكيجنج شدني و تقريبا هوا السبب اللي خلاني اتحمس للمجموعه.
المجموعه نزلت في بريطانيا قبل اسبوعين
تقريبا ، الجميلة وفاء من ذا ارتيستك هاند اتواصلت مع ماك وقالوا لها انه حتنزل في
السعوديه إن شاء الله على اخر شهر نوفمبر.
المجموعه فيها منتجات ليتمد وفيها منتجات
موجودة اصلا بس اعادوا تسويقها.
اللي اخدتهم هم روج ريري وو و قلم ريري وو
الروج نزل قبل كدا وكانت عيني عليه بس خلص بسرعة
ومالحقت الحمد لله ماك نزلوه تاني.
اللون اسمه
RiRi Woo
اللون مطفي، وجي على اندر تون ازرق مو برتقالي، طبعا دا
الاحمر المشهور تبع ريانا.
هنا على ريانا
هنا سواتش من النت
لمن جيت اجرب اللون في المحل كان صعب شويه
فالبنوته حقت ماك قالت لي جربي تحطيه مع القلم من نفس اللون، حطيتو وكان مرا اسهل واللون
بين اكتر، لون القلم بالضبط زي لون الروج حتى نفس الاسم.
القلم من لاين البرو لونج وير، اول مرا اجرب قلم شفايف من البرو لونج فحماس
ومرا عاجبني.
بشكل عام اللون مرا جميل ويناسب اغلب الوان
البشرة، وبما انه مطفي فيقعد فتره طويله ومايسيح.
الروج الاحمر من الحاجات الاساسيه، حلو
لمن يكون عندك احمر مثالي تعتمدي عليه.
دا كان بوست اليوم اتمنى يكون عجبكم
واخدتوا فكره.
اذا عندكم اي سؤال
انا موجوه في
تويتر @murmur_blog
انستقرام murmur_blog
ايميل m.samarkandi@gmail.com
احبكم
مرمر
شكرا لك صديقي العزيز على المقال الجميل والمفيد في التسويق عبر انستقرام. ننتظر الطرق الجديدة وأفضل المواقع في التسويق عبر انستقرام
ReplyDelete