كيف حالكم ياحلوات
اليوم بكمل معاكم الجزء
الثاني من سلسلة ادماني لسوب اند قلوري
في الجزء التاني حتكلم عن
المنظفات والمقشرات
اوكي نبدأ بسم الله
دي مجموعتي الجميلة
المنظفات
Soap & Glory Peaches and Clean 3-in-1 Wash-off Deep Purifying Cleanser
داعباره عن غسول كريمي منظف
للوجه ، انا استخدمه يوميا في الصباح ودي العلبه التانية لانه مرا جميل ولطيف على
البشره تحسي البشره بعدها نظيفة و بتتنفس خصوصا ريحة المنظف خوخ لانه من مكوناته
خلاصة الخوخ، وانا مرا احب ريحة الخوخ يمكن اكتر ريحة فاكهه احبها، فلمن جا المنظف
دا ريحتو خوخ و كمان كريمي خلاص سار اساسي في روتيني .
على فكره ازا كنتي مرا
نعسانه الصباح اضمن لك لمن تغلسي وجحههك بالمنظف دا حتصحصحي .
Soap
& Glory Clean On Me Creamy Clarifying Shower Gel
دا شاور جل كريمي ، ريحته نفس ريحة سوب اند
قلوري الأصلية، احبه مرا لانه بعده تحسي انو بشرتك ناعمه و ريحته تثبت كم ساعه
وخصوصا لو حطيتي بعد الترويش الزبدة من نفس الريحه .
الصراحه ماافتكر دي
العلبه الكم عندي لانو من الاشياء اللي اكررها دايما و لانه 500 مل فمرا يطول
معاكي.
نجي
للمقشرات اللزيزة
Soap
& Glory The Breakfast Scrub Body Exfoliator
مقشر البريكفاست من اشهر والز المقشرات وفاز
بجوائز ويستااااهل، الريحة تشهي بطريقة غير معقوله لانو يحتوي على سكر و شيا بتر و
شوفان !! انصحكم بنات تجربوه شي يفتح النفس و الترطيب كمان حلو واسمه كيوت.
Soap
& Glory Sugar Crush Body Scrub
مقشر الشوقر كراش انا لسه ماجربته بس جربت
الزبدة من نفس اللاين ومرا عجبتني ريحتها قلت خليني اجرب المقشر، من مكوناته سكر
بني، لايم وزيت اللوز والمكاديميا . اتخيلتوا الريحة من المكونات يمي يمي .
السلام عليكم
ReplyDeleteيعطيكك العافيةة حبيبتي مدونتك مره جميلة و تفتح النفس
لو سمحتي ابي اسألكك هالمنتجات من وين شريتيها ؟؟